 |
|
 |
|
As rúas da zona histórica de Melide arrecenden a melindres, ricos e amendoados, arte feita repostería que é froito dos anos, dunha tradición que se foi mellorando xeración tras xeración nos fornos artesáns. Como recoñecemento a esta tradición o Concello de Melide recuperou a festa do melindre e da repostería tradicional como un evento monotemático no que as protagonistas son as casas reposteiras. A cita é no corazón de Melide cada segundo domingo de maio, e arredor da data da feira prográmase un completo abanico de posibilidades culturais, artísticas e musicais que enchen a fin de semana de propostas con sabor a tradición. O día da feira a Praza do Convento acolle degustacións gratuítas e mostras dos productos que xa bautizaron Melide como Terra doce. Entre os obxectivos da recuperación desta festa está o apoio á difusión destes tres productos fóra das nosas fronteiras, sendo ademais productos orixinais, posto que o rico é un doce propio e orixinal da Terra de Melide.
Festa patrocinada por: Concello de Melide
   |
|
|